Ranfòse Kapasite Jèn yo pou yon Lagonav ki pi Sèten
Jenès Zye Kale (JZK) se yon platfòm angajman sivik ki te fèt apre plizyè trajedi maritim ki te frape zile Lagonav. Misyon nou se mobilize jèn lidè yo pou yo vin achitèk yon chanjman dirab ak sekirite nan kominote nou an.
Pledwaye estratejik pou nòm sekirite ak modènizasyon enfrastrikti maritim yo.
Ankouraje patisipasyon sivik aktif ak otonomizasyon gwoup jèn nan kominote a.
Konsèvasyon istwa ak memwa kolektif maritim kominote nou an pou jenerasyon k ap vini yo.
Sekirite Maritim: Yon Priyorite
N ap milite pou pwoteksyon lavi moun sou lanmè atravè pwomosyon pou pi bon règleman, itilizasyon ekipman sekirite modèn, ak yon sansibilizasyon pwofon nan tout kominote Gonavyen an.
Sipò nan Operasyon Sovtaj
Pledwaye pou kreyasyon yon inite rechèch ak sovtaj sou Zile Lagonav, ansanm ak yon mekanis kowòdinasyon resous ak asistans teknik pou asire repons rapid ak efikas lè gen ijans.
Modènizasyon Enfrastrikti Pò
Pledwaye pou otorite konsène yo reyabilite ak modènize sit debakman yo nan zile a pou nou ka garanti sekirite pasaje ak machandiz yo toutbon.
Pwogram Fòmasyon Kontini
Pledwaye pou otorite maritim yo mete sou pye pwogram fòmasyon estratejik sou nòm sekirite entènasyonal yo pou tout maren Gonavyen yo.
